﻿Zabur 42
IT ULUN DI NARAKOP LUMANGAD DO KINORINGAN

(Pemimpin)
Iadko I tambang di mongivou dot ovud

(Jemaat)
Pengkaa-no dino I kotilangad di ginavo-ku Dikau, o Kinoringan-ku

(Pemimpin)
Tuliohon-no do Kinoringan I ginavo-ku, I Kinoringan di kapapasi.

(Jemaat)
Sera-no o kotoguvangan-ku sid Dikau, o Kinoringan.

(Pemimpin)
Inakanon-ku-no I romou-ku sodop adau

(Jemaat)
Sabab asasadapan do piduduat-oku dot ulun dot,

(Pemimpin)
Siombo-no-ka I Kinoringan-nu? Ka.

(Jemaat)
Manjadi ong andaman-ku I hiza diri, banalko mungkolu I ginavo-ku

(Pemimpin)
Tu andaman-ku-no I sambazaai-okoi-po kumaa sid valai do Kinoringan

(Jemaat)
Do songlongoi-longoi mongindazou om monorima kaseh I kinasapahan di hiza dot adau dot agazo.

(Pemimpin)
Nokukuro-ka, tu iadino o kolungui-nuo, ginavo-ku?

(Jemaat)
Nokukura-ka tu oupus-ko banal?

(Pemimpin)
Harap-no sid Kinoringan, tu kakal-okui mongindazou Dau

(Jemaat)
Gima I sokoviai o kotulungan dit antad sid tinoguvangon Dau.

(Pemimpin)
Lumungui-no I ginavo-ku, tu mungkolu mongohondom Dikau, o Kinoringan-ku

(Jemaat)
Sabap it uningou do gumbang antad sid Yarden om antad sid Hermon

(Pemimpin)
Mititimpa-no I pusod do rahat rumidi

(Jemaat)
Om I kolokoi do murulun di vusoi-Nu

(Pemimpin)
Om nibabandung-no o gumbang di Tuhan monodos dohos.

(Jemaat)
O Tuhan, asasadapan-ko manamod dohon.

(Pemimpin)
Osusuvaban I longoi do koruhunan-Nu o longozon-ku

(Jemaat)
Om pomintaan dua-ku sid KInoringan, I mamasi dohon. 

(Pemimpin)
Boros-ku sid Kinoringan, I sondihon-ku, Nokokuro-ka, tu iadino o kolungui-nu, o ginavo-ku?

(Jemaat)
Nokokuro-ka, tu oupus-ko banal?

(Pemimpin)
Harap-no sid Kinoringan, tu kakal-okui mongindazou Dau.

(Jemaat)
Gima I sokoviai I kotulungan dit antad sid tinoguvangon Dau.

(Pemimpin)
Iadko notobok-oku do kapatazan

(Jemaat)
Agauk-oku dit ongosangod-ku dot ino-no o bonoroson dioti suvab-suvab sid dohon,

(Pemimpin)
Siombo-no-ka, I Kinoringan-nu? Ka.

(Jemaat)
Nokokuro-ka, tu upus-ko banal?

(Pemimpin)
Harap-no sid Kinoringan, tu kakal-okui I mongindazou Dau

(Semua)
Gima I sokoviai I kotulungan dit antad sid tinoguvangon Dau.

